Рӯзҳои 15-ум ва 16-уми сентябри соли 2022 дар доираи Чорабиниҳои якҷояи Донишгоҳи миллии Тоҷикистон бо Ташкилоти ғайритиҷоратии худмухтори «Маркази байналмиллалии таълими-методии мониторинги молиявӣ»-и Федератсияи Россия – зери унвони «Таълим ва рушди касбият дар соҳаи бехатарии молиявӣ – муқобилият ба пулшӯи, тероризми молиявӣ (МШП/ТМ)», дар факултети молиявию иқтисодӣ баргузор гардид.
Дар доираи Чорабиниҳои якҷояи Донишгоҳи миллии Тоҷикистон бо Ташкилоти ғайритиҷоратии худмухтори «Маркази байналмиллалии таълими-методии мониторинги молиявӣ»-и Федератсияи Россия – зери унвони «Таълим ва рушди касбият дар соҳаи бехатарии молиявӣ – муқобилият ба пулшӯи/ тероризми молиявӣ (МШП/ТМ)», дар факултети молиявию иқтисодӣ, ки рӯзҳои 15-ум ва 16-уми сентябри соли 2022 баргузор гардид, дар самтҳои зерин гузаронида шуд:
- Намоишгоҳ – дар намоишгоҳ зиёда аз 20 донишгоҳ аз дохили кишвар ва давлатҳои ИДМ иштирок ва дастовардҳои худро ба намоиш гузоштанд;
- Мизи гирд – дар мизи гирд 5 мақомот ва 11 донишгоҳҳо аз дохил ва хориҷи кишвар иштирок ва баромад намуданд;
- Семинарҳои илмӣ-таълимӣ – дар семинар намояндагони 11 донишгоҳҳо бо устодону донишҷӯён ва магистрантон маъруза ва ва баҳсҳо гузаронида шуд;
- Мастер-клас барои устодону донишҷӯён – мастер клас барои устодону донишҷӯён аз ҷониби 9 донишгоҳҳои Федератсияи Россия гузаронида шуд;
- Бозиҳои таълимии касбӣ барои донишҷӯёну магистрантон – бозиҳои таълимии касбӣ барои 100 нафар донишҷӯёну магистрантон гузаронида шуда, ғолибон ба дипломҳо сарфароз гардонида шуданд;
- Бастани шартномаҳои ҳамкорӣ байни Муассисаҳои олии таълимӣ ва мактабҳои миёнаи умумии муассисаҳои узви Институтҳои шабакавии байналмиллалӣ – Донишгоҳҳои давлатҳои ИДМ ва БРИКС зиёда аз 40 донишгоҳ – Дар ҷаласаи ифтитоҳӣ байни Донишгоҳи миллии Тоҷикистон бо Ташкилоти ғайритиҷоратии худмухтори «Маркази байналмиллалии таълими-методии мониторинги молиявӣ»-и Федератсияи Россия шартномаи ҳамкорӣ байни Ректори ДМТ профессор Хушвахтзода Қ.Х. ва муовини директори «Маркази байналмиллалии таълими-методии мониторинги молиявӣ»-и Федератсияи Россия М.С. Шемякина ба и мзо расид.
Мақсади гузаронидани чорабиниҳои мазкур, ки ҳамасола 5-6 маротиба дар байни Институтҳои шабакавии байналмиллалӣ, бо дастгирии молиявии Ташкилоти ғайритиҷоратии худмухтори «Маркази байналмиллалии таълими-методии мониторинги молиявӣ»-и Федератсияи Россия гузаронида мешавад, аз инҳо иборат аст:
– васеъ паҳн кардани донишҳои молиявӣ,
– баланд бардоштани сатҳи маърифати молиявии донишҷӯёну хонандагони мактабҳои олӣ, миёнаи умумӣ ва аҳолӣ дар самти бехатарии молиявӣ – муқобилият ба пулшӯи/ тероризми молиявӣ (МШП/ТМ),
тайёр кардани кадрҳои соҳавӣ ва мутассисони касбӣ дар самти бехатарии молиявӣ – муқобилият ба пулшӯи/ тероризми молиявӣ,
– тайёр кардани кадрҳои илмӣ-педагогӣ дар самти бехатарии молиявӣ – муқобилият ба пулшӯи/ тероризми молиявӣ;
– таҳияи васоити таълимӣ, китобҳои дарсӣ, монография, мақолаҳои илмӣ дар самти бехатарии молиявӣ – муқобилият ба пулшӯи/ тероризми молиявӣ;
– омода кардани пешниҳодҳо ба мақомотҳои мониторнг ва назорати молиявӣ дар самти бехатарии молиявӣ – муқобилият ба пулшӯи/ тероризми молиявӣ (МШП/ТМ);
– гузаронидани олимпиадаву озмунҳои гуногун дар байни донишҷӯёну магистрантон ва ғайраҳо ба ҳисоб меравад.
Қайд кардан зарур аст, ки моҳи майи соли равон даври аввали олимпиада дар самти бехатарии молиявӣ – муқобилият ба пулшӯи/ тероризми молиявӣ байни донишҷӯёни Донишгоҳи миллии Тоҷикистон гузаронида шуда, 4 нафар ғолибон ба даври ниҳои, ки моҳи октябри соли равон дар шаҳри Сочии Федератсияи Ролсссия баргузор мегардад, иштирок менамоянд.
Дар чорабинии мазкур ташкилоту муассисаҳои зерин иштирок ва маъруза намуданд:
- Ташкилоти ғайритиҷоратии худмухтори «Маркази байналмиллалии таълими-методии мониторинги молиявӣ»-и Федератсияи Россия;
- Донишгоҳи миллии Тоҷикистон;
- Департаменти мониторинги молиявии назди Бонки миллии Тоҷикистон;
- Намояндагии Россотрудничества дар Ҷумҳурии Тоҷикистон;
- Вазорати маориф ва илми Ҷумҳурии Тоҷикистон;
- Прокуратураи генералии Ҷумҳурии Тоҷикистон;
- Агентии назорати молиявӣ ва мубориза бо коррупсияи Ҷумҳурии Тоҷикистон;
- Донишгоҳи давлатии иқтисодии Санкт-Петербурги Федератсияи Россия;
- Донишкадаи технологияҳои молиявӣ ва бехатарии иқтисодии Федератсияи Россия;
- Донишгоҳи иқтисодии Россия ба номи Г. Плеханов;
- Донишгоҳи давлатии ҳавзаи Уқёнуси Ороми Федератсияи Россия;
- Донишгоҳи молияи назди Ҳукмати Федератсияи Россия;
- Донишгоҳи политехникии Санкт-Петербурги Федератсияи Россия;
- Донишгоҳи менеҷменти саноатӣ, иқтисодӣ ва тиҷорати Федератсияи Россия;
- Донишгоҳи давлатии молия ва иқтисоди Тоҷикистон;
- Донишгоҳи славянии Руссияву Тоҷикистон.
