Раиси бонувони факултет

Раиси бонувони  факултети молиявию иқтисодии ДМТ, асисстент

Амонова Дилором Абдувахидовна 2-юми декабри  соли 1984 дар Ҷумҳурии Тоҷикистон дар оилаи коргар таваллуд шудааст. Соли 2002 ба факултети молия ва қарзи Донишкадаи соҳибкорӣ ва хизмати Ҷумҳурии Тоҷикистон дохил шуда, онро соли 2007 аз рўи ихтисоси молия ва қарз хатм намудааст. Инчунин, соли 2018 шўъбаи магистратураи факултети молиявию иқтисодии Донишгоҳи миллии Тоҷикистон аз рўи ихтисоси молия ва қарз ва соли 2021 шўъбаи докторантураи phd-ро аз рўи ихтисоси молия ва қарз хатм намудааст.

 Амонова Д.А. дар вазифаҳои зерин фаъолият кардааст:  аз соли 2003 то соли 2018 дар факултети молиявию иқтисодӣ ба ҳайси коргузори факултет кор ва фаъолият намудааст. Инчунин, дар баробари раванди фаъолияти худ аз моҳи сентябри соли 2016 то ноябри соли 2018 дар кафедраи менеҷменти молиявӣ дар ҳаҷми 0,5 воҳиди корӣ ҳамчун асисстенти кафедраи мазкур фаъолият намудааст. Аз моҳи ноябри соли 2018 то ин ҷониб ба ҳайси асисстенти кафедраи менеҷменти молиявӣ (ҳозира кафедраи идоракунии молияи давлатӣ) ко рва фаъолият намуда истода, ҳамзамон роҳбарии раиси бонувонро низ ба ўҳда дорад.

Хизматҳои шоистаи Амонова Д.А. бо Ифтихорномаи Вазири маориф ва илми Ҷумҳурии Тоҷикистон барои хизматҳои бенуқсон дар соҳаи илму маорифи Ҷумҳурии Тоҷикистон ва иштироки фаъолона дар ҳаёти ҷамъиятӣ, Ифтихорномаи Ректори Донишгоҳи миллии Тоҷикистон барои хизматҳои шоиста бахшида ба таҷлили 8 март – «Рўзи Модар», Ифтихорномаи декани факултети молиявию иқтисодӣ барои саҳми арзанда дар пешрафти корҳои ҷамъиятӣ, «Ифтихорнома»-и Сардори раёсати ҷавонон, варзиш ва сайёҳии шаҳри Душанбе барои иштироки фаъолона дар Чемпионати кушоди шаҳри Душанбе дар бахши роҳбарии дастаи бонувони «Гулдухтарон», Сипосномаи раиси кумитаи иттифоқи касабаи маориф ва илми Ҷумҳурии Тоҷикистон ба муносибати 23-май – Рўзи ҷавонони Тоҷикистон  қадрдонӣ гардидаанд.

Амонова Д.А.  муаллифи зиёда аз 15 маводи илмӣ буда, дар мавзӯъҳои вобаста ба идоракунии молияи давлатӣ: буҷети давлатӣ ва нақши он дар рушди иқтисодию иҷтимоии мамлакат, ҷамбаҳои назариявии идоракунии молияи давлатӣ, асосҳои илмӣ-назариявии идоракунии молияи давлатӣ дар замони муосир, таҳлили идоракунии андозҳои давлатӣ ва такмили онҳо дар Ҷумҳурии Тоҷикистон, асосҳои назариявӣ ва ташаккулёбии молияи давлатӣ, Таҳлили таҷрибаи хориҷии муносибатҳои байни буҷетӣ ва ғайра тадқиқоти илмӣ анҷом додааст.