Декани факултети молиявию иқтисодӣ

Декани факултети молиявию иқтисодии ДМТ, доктори илмҳои

иқтисодӣ, профессор

ШАМСОВ ИЛЁСҶОН САФАРОВИЧ

Шамсов Илёсҷон Сафарович 15-уми июли соли 1976 дар Ҷумҳурии Тоҷикистон дар оилаи омӯзгор таваллуд шудааст. Ӯ соли 1996 Коллеҷи Индустриалии ш. Душанберо бо ихтисоси алоқаи почтавӣ хатм намудааст. Соли 2001 ба факултети иқтисод ва идораи Донишгоҳи миллии Тоҷикистон дохил шуда, онро соли 2006 аз рӯи ихтисоси иқтисодчӣ хатм намудааст.

Шамсов И.С. дар вазифаҳои зерин фаъолият кардааст:  ассистенти кафедраи системаҳои иттилоотӣ дар иқтисодиёти факултети иқтисод ва идораи ДМТ (2006), аспиранти рӯзонаи кафедраи системаҳои иттилоотӣ дар иқтисодиёти факултети иқтисод ва идораи ДМТ (2009 – 2011), муаллими калони кафедраи системаҳои иттилоотӣ дар иқтисодиёти факултети иқтисод ва идораи ДМТ  (2011 – 2013), мудири кафедраи системаҳои иттилоотӣ дар иқтисодиёти  факултети иқтисод ва идораи ДМТ  (2013 – 2017), декани факултети иқтисод ва идораи Донишгоҳи миллии Тоҷикистон ва аз 04.03.2021 то айни замон декани факултети молиявию иқтисодии Донишгоҳи миллии Тоҷикистон.

Хизматҳои шоистаи Шамсов И.С. бо «Ифтихорнома»-и Ҳизби Халқии Демократии Тоҷикистон барои хизматҳои шоён дар татбиқи сиёсати созандаю бунёдкоронаи ва саҳми арзанда гузоштан дар тарғиби ҳадафу барномаҳои ҳизб бахшида ба «Соли ҷавонон» ва 20 солагии «Рӯзи Ваҳдати миллӣ», Сипосномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон барои иштироки фаъолона дар корҳои ҷамъиятӣ, баргузории чорабиниҳо дар самти сиёсати давлатии ҷавонон ва варзиш, Аълочии маорифи Ҷумҳурии Тоҷикистон ва мукофотҳои давлатии медали Хизмати Шоистаи Ҳукумати Ҷумҳурии Тоҷикистон қадрдонӣ гардидаанд.

Шамсов И.С.  муаллифи зиёда аз 80 маводи илмӣ буда, дар мавзӯъҳои вобаста ба ҳукумати электронӣ дар раванди рушди ҷомеаи иттилоотӣ, ташаккули сифат ва рақобатпазирии қувваи корӣ дар шароити иқтисоди бозорӣ, заминаҳои рақамикунонии иқтисодиёт ва таъсири онҳо дар бозори меҳнати ватанӣ,  моделикунонии талаботҳо оид ба кадрҳои маълумоти олӣ дар бозори меҳнати миллӣ, механизми ҳимояи бозори дохилии Ҷумҳурии Тоҷикистон дар шароити аъзогӣ дар СУТ, бозори меҳнат ва низоми омодасозии муттахассисон ҳангоми гузариш ба иқтисодиёти рақамӣ ва ғайра тадқиқоти илмӣ анҷом додаанд.