Кафедраи менеҷменти молиявӣ

Кафедраи менеҷменти молиявӣ. Бо ворид шудан ба муносибатҳои нави иқтисодӣ талабот ба мутахассисони менеҷменти молиявӣ амрест зарурӣ. Бинобар ин соли 2008 кафедраи мазкур ба қарори Шӯрои олимони ДМТ дар пояи кафедраи молия ва қарз кушода шуд. Роҳбарии кафедраро н.и.и., дотсент Давлатшоев О.Ҳ. ба уҳда дошта, дар он устодон: н.и.и., дотсентон Алимардонов А., Ҳикматов С., Ҳакимов И.Б., Давлатмуродов Ш.М., Ҷаҳоншоҳ С., Турсунов И., Қодиров М. ва дигарон фаъолияти илмию методӣ мекунанд. Кафедраи менеҷменти молиявӣ аз рӯи ихтисоси молия ва қарз мутахассис тайёр мекунад. Бо дастури Ҳукумати Ҷумҳурии Тоҷикистон дар масъалаи тайёр кардани мутахассисони донандаи забонҳои хориҷӣ аз соли 2012 дар назди кафедра аз рӯи ихтисоси 25010400-молия ва қарз таълим бо забони англисӣ оғоз гардид. Дар кафедра заминаи моддӣ-техникӣ ва таълимӣ барои омода намудани мутахассисони рақобатпазир муҳайёст. Хатмкунандагони ихтисос дар соҳаҳои муҳими иқтисодӣ ба монанди молияи давлатӣ, андоз, суғурта, бонкдорӣ, гумрук ва корхонаҳои гуногун фаъолият менамоянд.